नेपालगन्ज । नेपालगन्जमा रहेको सिनेमाहल सिनेरोयलले यस वर्षको बर्ष सिनेमाहलको अवार्ड (मोफसल) प्राप्त गरेको छ । बक्स अफिस इन्टरनेसनल ग्रुपले आयोजना गरेको ब्लक बस्टर नेपाली फिल्म अवार्डको १८ औं संस्करणबाट सिनेरोयलले बर्ष सिनेमाहलको अवार्ड (मोफसल) प्राप्त गरेको हो ।
बक्स अफिस इन्टरनेसनल ग्रुपले हरेक बर्षको चैत मसान्तमा आयोजना गर्दै आएको ब्लक बस्टर नेपाली फिल्म अवार्डको १८ औं संस्करणमा आधुनिक प्रविधि, सुविधाजनक बसाइ, इमर्सिभ साउन्ड र भव्य वातावरणको मुल्याङ्कन गर्दै सो सिनेमाहललाई अवार्ड प्रदान गरिएको आयोजकले जनाएको छ ।
नेपालगन्ज-१० सुर्खेत रोडस्थित रहेको यस थिएटरले पछिल्लो समय एउटा बेग्लै नाम र नेपालका सिनेमा घरप्रतिको वर्तमान धारणालाई परिवर्तन गर्न सफल भएको थियटरका संचालक डा. बिनोद थापाले बताए ।
थियटरमा अत्याधुनिक प्रविधि, आरामदायी सिटिङ, इमर्सिभ साउण्ड जडान गरिउका छन् । नेपालकै सिनेमा क्षेत्रमा गौरवको प्रोजेक्ट भएको सिनेरोयलले भारतीय सिनेमा प्रेमीलाई आकर्षित गरेर नेपालगन्जमा आर्थिक गतिबिधि बढावा दिन सफल भएको डा. थापाले बताए ।
तीन वटा अडिटोरियममा पाँच सय ६० सिट रहेको यस थिएटरमा अमेरिकामा बनेको नेपालकै पहिलो जेबिएल एटमोस साउन्ड सिस्टम रहेको छ । सबै अडिटोरियममा प्रक्षेपण प्रणाली बेल्जियमबाट २० हजार लुमेन्स बारका प्रोजेक्टरहरू ग्यालालाइट मिराज ३.२ थ्री डी प्रिजम सिलल्भर स्क्रिन र हङकङबाट ३ बिम गेट–डी थ्री डी प्रणालीका साथ उत्कृष्ट गुणस्तरको पिक्चर र रङ संयोजन गरिएको संचालकको दाबी रहेको छ ।
साथै नेपालमै पहिलोपटक मलेसियाबाट आएको स्पेक्ट्रम सिटिङले दर्शकलाइ सिटिङ सहजतालाई प्राथमिकता दिइएको उल्लेख गर्दै थापाले दर्शकहरुको बसाईमा आराम प्रदान गर्न तीन किसिमका सिटहरू (रिक्लाइनर, लाउन्जर र स्लाइडर) जडान गरिएको जानकारी दिए । अमेरिकादेखि भित्र्याइएका अग्रेणी टेक्नोलोजीबाट निर्मित पर्यावरण अनुकूल भान्सामा तयार हुने परिकार समेत थियटरमा उपलब्ध छ । थियटरको खाजा निकै नै फ्रेश तथा स्वादिलो रहेको थापाको दाबी छ ।
प्रतिक्रिया