हराएको मोटरसाईकल फेला, चोर बेपत्ता

नेपालगन्ज । बाँके प्रहरीले नेपालगन्जको वडा नम्बर १८ बाट हराएको मोटरसाइकल फेला पारेर सवारी धनीलाई बुझाएको छ । हिजो राती ८ बजे नेपालगन्ज १८ स्थित बागेश्वरी रोधी घर अगाडी पार्किङ गरि राखेको अवस्थामा हराएको मोटरसाईकल प्रहरीले बवारिसे अवस्थामा फेला पारी सवारी धनीलाई बुझाएको हो ।

सवारी धनी बर्दिया राजापुर नगरपालिका २ का सन्दीप थारुले गरेको उजुरीको आधारमा खोजीका लागि खटिएको प्रहरी टोलीले सोही वडाको कृष्ण मन्दिर अगाडी बेवारिसे अवस्थाममा छाडिएको मोटरसाईकल प्रहरीले फेला पारेको हो । मोटरसाइल फेला परेपनि चोरी गर्ने कार्यमा संलग्नलाई भने प्रहरीले पक्राउ गर्न असफल भएको छ ।

जिल्ला प्रहरी कार्यालयमा आज सवारीधनीलाई बोलाएर मोटरसाइकल हस्तान्तरण गरिएको प्रहरीले जनाएको छ । नेपालगन्जमा पछिल्लो समयमा हरेकदिन जसो मोटरसाइकल चोरीका घटना भइरहेपनि चोरलाई पक्राउ गर्न प्रहरी असफल देखिएको छ ।