काठमाडौं । नेपालस्थित पाकिस्तानी राजदूतावासले नेपालका विभिन्न सामुदायिक विद्यालयका विद्यार्थीहरुलाई छात्रवृत्ति प्रदान गरेको छ ।
दूतावासले वार्षिक रुपमा छात्रवृत्ति प्रदान गर्दै आएको छ । यस वर्ष ११९ विद्यालयका १८० विद्यार्थीले छात्रवृत्ति पाएका छन् । साथै उत्कृष्ट विद्यार्थीलाई ल्यापटप प्रदान गरिएको थियो ।
काठमाडौंको हायात प्लेसमा १२औँ वार्षिक छात्रवृत्ति पुरस्कार समारोहको प्रमुख अतिथि शिक्षा, विज्ञान तथा प्रविधि मन्त्रालयका सचिव सुरेश अधिकारी थिए । अधिकारीले नेपाली विद्यार्थीहरूलाई “एम्बेसेडर अफ पाकिस्तान स्कॉलरशिप” प्रदान गरे। यो छात्रवृत्ति विभिन्न विद्यालयका सम्बन्धित प्रधानाध्यापकहरूद्वारा चयन गरिएका योग्य विद्यार्थीहरुलाई प्रदान गरिन्छ ।
कार्यक्रममा बोल्दै शिक्षासचिव अधिकारीले पाकिस्तानले विशेषगरी शिक्षाको क्षेत्रमा निरन्तर सहयोग र प्राविधिक सहयोग गरेकोमा प्रशंसा गरे ।
त्यसअवसरमा पाकिस्तानी राजदूत अबरार एच हाश्मीले पाकिस्तानले नेपालमा छात्रवृत्ति कार्यक्रम र तेस्रो तहदेखि माध्यमिक शिक्षासम्मको सहयोग विस्तारका लागि आफ्नो प्रयास जारी राख्ने बताए ।
सन् २०१३ मा सुरु भएको एम्बेसडर अफ पाकिस्तान छात्रवृत्ति कार्यक्रमले धेरै विद्यार्थीहरु लाभाविन्वत हुँदैआएका छन् ।
प्रतिक्रिया