बुटवल । नेपाल विद्युत प्राधिकरण, राष्ट्रिय कर्मचारी युनियनले ३४ औं वार्षिकोत्सव तथा स्थापना दिवस मनाएको छ । देशैभरका विद्युत कार्यालयहरुमा विविध गतिविधिहरुसहित शनिबार दिवस मनाएको हो ।
यसैबीच लुम्बिनी प्रदेश समितिले प्रदेश अन्तरगतका सबै कार्यालयहरुमा दिप प्रज्ज्वलन एवम् शुभकामना आदानप्रदान कार्यक्रम सम्पन्न गरेको छ ।
बुटवल ग्रीड कार्यालयमा आयोजना गरिएको कार्यक्रममा केन्द्रीय, प्रदेश एवम् इकाइका गरि करिब ४० जनाको उपस्थितिमा दिवस मनाइएको थियो । केन्द्रीय सदस्यहरु राधा रानाभाट, टंक प्रसाद बस्याल, कमल गौतम, जयराम भट्टराई तथा पुरुषोत्तम अधिकारिले सङ्गठनको ईतिहास र गरिमाको बारेमा चर्चा गर्दै शुभकामना व्यक्त गरेका थिए ।
सोही सन्दर्भमा बोल्दै प्रदेश अध्यक्ष टेक बहादुर बुढाले नेबिप्राको इतिहासमा राष्ट्रिय कर्मचारी युनियन मात्र कुनै राजनितिक दलसँग आवद्ध नभई सबै आस्था र बिचार भएका व्यक्तिहरुलाई संगठित गर्ने काम गरेको उल्लेख गरे ।
अध्यक्ष बुढाले केही ट्रेडयुनियन कर्मी सदस्यहरुलाई पार्टीको झण्डा नै प्रचार गर्ने गरेको उल्लेख गर्दै यस प्रकारको प्रवृत्तिले कर्मचारि र संस्थालाई सहि बाटोमा लैजान नसक्ने जिकिर गरे । यस प्रकारका गतिविधिले निजामती ऐनमा ट्रेडयुनियन आन्दोलनको अधिकार काटिने गरि व्यवस्था हुन लागेको भन्दै चिन्ता व्यक्त गरे । कार्यक्रम राष्ट्रिय कर्मचारि युनियन, लुम्बिनी प्रदेश समितिका सचिव गोपाल प्रसाद भट्टराईको सञ्चालनमा भएको थियो ।
प्रतिक्रिया