१० जेष्ठ २०८१, बिहिबार | May 23, 2024

भक्तपुरमा खुल्ला गुँला बाजा प्रतियोगितामा सम्पन्न



भक्तपुर । भक्तपुर नगरपालिकाको आयोजनामा भएको खुल्ला गुँला बाजा प्रतियोगितामा भक्तपुर तेखाचोको क्वनेया गुँला बाजा सञ्चालन तथा व्यवस्थापन समिति प्रथम भएको छ । आइतबार सम्पन्न प्रतियोगितामा बुराँख्यो येँ, नरदेवीको ङत तुलाधर गुँला बाजँ खलः द्वितीय, मध्यपुरथिमिको प्रजापति गुँला बाजा तृतीय, मथिनपाको थिमि गुँला बाजा खलः र इतुंबहाः येँ, काठमाडौको २४ को केशचन्द्र गुँला बाजं खलः ले सान्त्वना पुरस्कार प्राप्त गरेका छन् ।

कार्यक्रममा नेपाल मजदुर किसान पार्टीका अध्यक्ष नारायणमान बिजुक्छे (रोहित) ले प्रतियोगिताका विजयी समूहलाई पुरस्कार वितरण गरे । प्रतियोगितामा प्रथम हुने समूहलाई नगद रु ४० हजार, द्वितीयलाई नगद रु ३० हजार, तृतीयलाई नगद रु २५ हजार र सान्त्वना स्थान प्राप्त गरेको दुई समूहलाई रु २० हजारको दरले नगद पुरस्कार प्रदान गरिएको हो । प्रतियोगितामा सहभागी प्रत्येक टोलीलाई रु पाँच हजार प्रदान गरिएको थियो । प्रतियोगितामा प्रथम, द्वितीय, तृतीय र सान्त्वना हासिल गरेको बाजा समूहलाई वाद्यवादन सामग्री पनि पुरस्कारको रुपमा प्रदान गरिएको छ ।

समापन कार्यक्रममा बोल्दै प्रमुख अतिथि बिजुक्छे (रोहित) ले भक्तपुर नगरपालिकाको आयोजनामा भएको गुँला बाजा प्रतियोगिता एक सांस्कृतिक पर्वको रुपमा सञ्चालन भएको बताउदैं प्रतियोगिता आयोजनाले संस्कृतिकर्मी र कलाकारमा उत्साह थपेको बताए ।

उनले नयाँ पुस्तामा ज्ञान र सीप हस्तान्तरणले देशको मौलिक संस्कृति जगेर्नामा उल्लेखनीय योगदान पुग्ने बताए । विद्यालयस्तरदेखि यस्ता सीपको प्रशिक्षण दिन सके देशको कला संस्कृति जीवन्त हुने उनको भनाइ थियो । भक्तपुर नगरपालिकाका प्रमुख सुनिल प्रजापतिले प्रतियोगितामा १० वटा महानगरपालिका एवं नगरपालिका र चार वटा जिल्लाका गरी २६ वटा बाजा खलःले सहभागिता जनाएको जानकारी दिए ।

प्रकाशित मिति : २४ बैशाख २०८१, सोमबार  ७ : ४६ बजे

१८सय रुपैयाँले घट्यो बिहीबार सुनको भाउ, चाँदीमा कति ?

काठमाडौं। नेपाली बजारमा आज सुनचाँदीको मुल्य घटेको छ । नेपाल

बुद्ध जन्मभूमिलाई विश्वशान्ति र धार्मिक पर्यटकको गन्तव्यमा विकास गर्न सरकार क्रियाशील छ : प्रधानमन्त्री

लुम्बिनी । प्रधानमन्त्री पुष्पकमल दाहाल ‘प्रचण्ड’ले वर्तमान सरकार बुद्धको विचार,

गर्मीले अण्डा उत्पादन घट्दा लागत बढ्यो

चितवन । अण्डाको मूल्य बढेपछि उत्साहित कुखुरापालक किसान गर्मीका कारण

बौद्ध दर्शन मानव समुदायका लागि प्रेरणादायी छ : माधव नेपाल

काठमाडौं । नेपाल कम्युनिष्ट पार्टी  (एकीकृत समाजवादी)का अध्यक्ष माधवकुमार नेपालले

बुद्धको जन्मभूमि नेपाल हुनु नेपालीका लागि गौरवको विषय- राष्ट्रपति पौडेल

काठमाडौं । राष्ट्रपति रामचन्द्र पौडेलले गौतम बुद्धको जन्मभूमि नेपाल हुनु