नेपालगन्ज । स्थानीय प्रशासनले आज रातीबाट नेपाल भारत सीमाको बाँके खण्डका नाकाहरु सिल गरेको छ । भारतमा जारी लोकसभा निर्वाचनको सुरक्षाका लागि भन्दै स्थानीय प्रशासनले बाँके स्थित नेपाल भारत सीमानाका सिल गरेको हो ।
जिल्ला प्रशासन कार्यालय बाँकेले आज एक सूचना जारी गर्दै आज राती १०ः३० बजेबाट जेठ ७ गते साँझ ५ बजे सम्म सीमानाका सिल गरिएको जनाएको छ । भारत उत्तर प्रदेशको बहराईच जिल्लामा जारी लोकसभा निर्वाचन अन्तर्गत जेठ ७ गते हुने निर्वाचन शान्तिपूर्ण संचालनका लागि भन्दै सीमाना नाका सिल गरिएको सूचनामा जनाइएको छ ।
लोकसभा निर्वाचनकै सन्दर्भमा यस अघि बाँके प्रशासनले गत बैशाख २८ गते देखि ३१ गते मध्यराती १२ बजे सम्मका लागि सीमानाका सिल गरेको थियो ।
प्रतिक्रिया