पाल्पा । पाल्पामा लोडर दुर्घटना हुँदा एक जनाको मृत्यु भएको छ । जिल्लाको रैनादेवी छहरा ८ कञ्चनखोला स्थित साल्झण्डी ढोरपाटन सडक खण्डमा भएको लोडर दुर्घटनाबाट सोही लोडरका सहचालकको मृत्यु भएको हो ।
मृत्यु हुनेमा बर्दिया बाँसगढीका अन्दाजी २६ वर्षिय कमल चौधरी रहेका छन् । दुर्घटनाबाट लोडर चालक कैलाली घोडाघोडी २ का ३० वर्षिय समिर चौधरी घाइते भएका छन् । उनको अवस्था मध्यम रहेको प्रहरीले जनाएको छ ।
प्रहरीका अनुसार सालझण्डी-ढोरपाटन सडक खण्डमा सडक मर्मत गर्ने क्रममा बा २ क ८७६८ नम्बर लोडर बेक्र फेल भई सडकबाट अन्दाजी २० मिटर तल खोलामा खसेको थियो । दुर्घटनाको खबर पाए लगत्तै अस्थाई प्रहरी पोष्ट बेलबासबाट प्रहरी टोली घटनास्थल पुगेर घाइतेहरुको उद्दार गरि बुटवल पठाएको पाल्पा प्रहरी प्रवक्ता डीएसपी सुगन्ध श्रेष्ठले बताए । अस्पतालमा उपचारका क्रममा कमल चौधरीको मृत्यु भएको उनले बताए ।
सवारी दुर्घटना सम्बन्धमा थप अनुसन्धान कार्य भइरहेको प्रहरीले जनाएको छ ।
प्रतिक्रिया