मुगु । लुम्बिनी प्रदेशका प्रमुख अमिक शेरचनले परिवारका सदस्य र सचिवालय टिम सहित रारा भ्रमणमा पुगेका छन् । शनिबार कर्णाली प्रदेशका प्रदेश प्रमुख तिलक परियारसँग शिष्टाचार भेट गरेका शेरचन आज मुगु जिल्लाको राराताल पुगेका हुन् ।
भ्रमणमा प्रदेश प्रमुख शेरचन, शेरचन पत्नी शान्ति शेरचन, उनको सचिवालयको टोली र कर्मचारीको सहभागीता रहेको छ । भ्रमणका क्रममा प्रदेश प्रमुख सहितको टोलिले घोडामा सवार गरि राराको सौन्र्यताको अवलोकन गरेका थिए ।
नेपालकै स्वर्गकी रानीको उपमा पाएको रारामा दैनिक सयौं पर्यटकको भिड लाग्ने गर्दछ । रारा प्राकृतिक रूपमा निर्मित नेपालको सबैभन्दा ठुलो ताल हो ।
रारामा स्थलमार्ग र हवाई मार्गबाट पुग्न सकिने भएपनि प्रदेश प्रमुख शेरचनको टोलि भने स्थलमार्गबाटै रारा पुगेका छन् । राराको सुन्दरताले आफुहरु लोभ्याएको बताउँदै प्रदेश प्रमुख शेरचनले हरेक नेपाली एक पटक रारा पुग्नु पर्ने बताए ।
प्रतिक्रिया