भित्रियो यस वर्षको मनसुन प्रणाली, पश्चिम तराईमा भने अत्याधिक गर्मी

काठमाडौं । यस वर्षको मनसुन प्रणाली कोशी प्रदेशको पूर्वी भू-भागमा आजदेखि भित्रिएको छ । नेपालमा मनसुन भित्रिने सरदर मिति जुन १३ हो । यस वर्षको मनसुन सरदर मिति भन्दा तीन दिन छिटो भित्रिएको मौसम पूर्वानुमान महाशाखाले जनाएको छ ।

नेपालको अन्य भू-भागमा केही दिनमा क्रमिक रुपमा मनसुन हुने अनुमान गरिएको छ । आगामी मनसुनमा देशका अधिकांश स्थानमा सरदरभन्दा बढी वर्षा हुने सम्भावना ३५ देखि ५५ प्रतिशत रहेको जल तथा मौसम विज्ञान विभागले जनाएको छ ।

देशको पश्चिम तराई क्षेत्रमा भने बिगत २ दिन देखि तापक्रम बढेको छ । पश्चिम तराईको नेपालगन्ज, धनगढी लगायतका शहरमा अत्याधिक गर्मी महसुस भएको स्थानीयले बताएका छन् । लामो समयदेखि वर्षा नभएका कारण पानीको सतह भासिएर हेन्डपम्प सुकेको छ ।