२८ असार २०८१, शुक्रबार | July 13, 2024

बुटवलमा दृष्टीबिहिनका लागि १५ दिने ब्रेल लिपी सिप विकास तालिम



बुटवल । बुटवलमा दृष्टी बिहिनहरुका लागि ब्रेली लिपी (गोपेर लेख्ने छामेर पढ्ने)सम्बन्धी सिप विकास तालिम सुरु भएको छ । रुपन्देही नेत्रहिन संघ बुटवलको आयोजना तथा बुटवल उपमहानरपालिका आर्थिक सहयोगमा आजदेखि १५ दिने ब्रेली लिपी (गोपेर लेख्ने छामेर पढ्ने) सम्बन्धी सिप विकास तालिम सुरु भएको हो ।

तालिमको विहिबार एक कार्यक्रमका बीच बुटवल उपमहानरापलिकाका प्रमुख खेलराज पाण्डेयले उदघाटन गरे । सो अवसरमा बोल्दै नगर प्रमुख पाण्डेयले आगामी आर्थिक बर्ष देखि बुटवल उपमहानरपालिकाले अपाङ्गता भएका व्याक्तिहरुको लागि तालिम प्रदान गर्ने ग्यारेन्टी सहितको बजेट व्यवस्थापन गरेको जानकारी दिए । उनले चालु बर्षमा अपाङ्गता भएका विभिन्न प्रकृतिका १०० जनालाई तालिमको बजेट छुट्टाइएकोमा ६० जनाको मात्रै तालिमको लागि आवेदन आएको जानकारी दिए ।

उनले शाररिक अपाङ्गता भएका व्याक्तिहरुको लागि चुरापोते बनाउने तालिम, बहिरापना भएका व्याक्तिहरुको लागि बटिष्टटा तालिम र दृष्टिविहिनता भएका व्याक्तिहरुको लागि ब्रेल लीपी सम्बन्धी सिप विकास तालिम यहि बर्षबाट सुरुवात गरिएको जानकारी दिए ।

अपाङ्गता भएका व्याक्तिहरुको लागि बजेटमा नै तालिमको व्यवस्थापन गर्ने बुटवल पहिलो पालिका भएको भन्दै नगर प्रमुख पाण्डेयले अपांगता भएका व्याक्तिहरुको लागि तालिम हकको रुपमा समेत स्थापित भएको दाबी गरे । उनले तालिममा सिकेको सीपलाई व्यवहारमा ल्याइ स्वरोजगार र आत्मनिर्भर बन्न तालिममा सहभागीहरुलाई आग्रह गरे ।

कार्यक्रममा बोल्दै बुटवल उपमहनगरपालिकाकी उप प्रमुख सावित्रा देवी अर्यालले बुटवललाई यो बर्ष तालिमको हवको रुपमा विकास गरिएको जानकारी दिईन् । उनले सोही अनुसार अहिले मागमा आधारिता तालिम प्रदान गर्नको लागि नगरपालिकाले टोल टोलमा तालिम सञ्चालन गरेको जानकारी दिईन् ।

नेपाल नेत्रहिन संघ लुम्बिनी प्रदेशका अध्यक्ष तथा रुपन्देही नेत्रहिन संघका पुर्व अध्यक्ष बालकृष्ण मरासीनीले विगत लामो समय देखि बुटवल उपमहानरपालिकाले नेत्रहिन संघलाई सहयोग गर्दै आएको बताए । उनले अपाङ्गता भएका व्यक्तिहरुलाई सदैव सकारात्मक रुपमा हेर्नुपर्ने बताउँदै अपाङ्गताको नाममा आएको पैसा उनीहरुकै लागि खर्च गर्न माग गरे ।

कार्यक्रममा नेत्रहिन संघ रुपन्देहीका अध्यक्ष कृष्ण बहादुर जिसी, कोषाध्यक्ष ओम बहादुर सिंह, सचिव नेत्रनिधी ढकाल लगायतले आ-आप्mनो भनाई राखेका थिए ।

१५ दिन सम्म चल्ने तालिममा दिलमाया चौधरीले सहजीकरण गर्ने छिन् । तालिम शुभारम्भ कार्यक्रममा बुटवल उपमहानरपालिका वडा नम्बर १२ का अध्यक्ष डिल्ली प्रसाद शर्मा,, बुटवल उपमहानरपालिका सामाजिक विकास तथा पञ्जीकरण शाखा प्रमुख संगीता अर्याल, राष्ट्रिय अपाङ्ग महासंघ नेपाल संघीय सदस्य तथा राष्ट्रिय निर्देशक समिति सदस्य सावित्रा घिमिरे, नेपाल नेत्रहिन संघ केन्द्रीय सदस्य तथा लुम्बिनी प्रदेश ईन्चाज शिला घिमिरेलगायतको सहभागीता रहेको थियो ।

सोही कार्यक्रममा बुटवल उपमहानरपालिकाको आर्थिक सहयोगमा निर्माण भएको अपाङ्गता मैत्री शौचालयको चाबी रुपन्देही नेत्रहिन संघका अध्यक्ष कृष्ण बहादुर जिसीलाई प्रदान गरी शौचालयको औपचारिक रुशुभारम्भ समेत गरिएको थियो ।

प्रकाशित मिति : ३१ जेष्ठ २०८१, बिहिबार  ९ : ५४ बजे

धावनमार्गबाट चिप्लिएर घांसे मैदान पुगेको बुद्धएयरको जहाज २० घण्टापछि निकालियो

भैरहवा । भैरहवास्थित गौतमबुद्ध अन्तर्राष्ट्रिय विमानस्थलको धावनमार्गमा फसेको बुद्ध एयरको

प्रधानमन्त्रीमा केपी ओलीको दाबी पेस

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्रीमा दाबी

देउवा र ओलीसहितका शिर्ष नेता शीतल निवासमा

काठमाडौं । नेकपा एमालेका अध्यक्ष केपी शर्मा ओलीलाई प्रधानमन्त्रीमा नियुक्त

हुण्डीको कारोबार गर्ने ४ जना २४ लाख ६२ हजार नगदसहित नेपालगन्जबाट पक्राउ

नेपालगन्ज । बाँके प्रहरीले हुण्डी कारोबारमा लगानी गर्ने तयारी अवस्थामा

बुटवलमा २५ लाखको लगानीमा खुल्यो म्यानुयल मेडिसिन एण्ड रिह्याविलिटेसन सेन्टर

बुटवल । बुटवल उपमहानगरपालिका वडा नम्बर ६ मैत्रीपथमा म्यानुयल मेडिसिन