बुटवल । बुटवलको पाल्पारोडबाट लागु औषध खैरो हिरोइन सहित २ जनालाई प्रहरीले पक्राउ गरेको छ । इलाका प्रहरी कार्यालय बुटवलबाट खटिएको टोलीले रुपन्देहीको बुटवल उप-महानगरपालिका वडा नं.४ पाल्पारोडबाट खैरो हिरोइन सहित २ जनालाई पक्राउ गरेको हो ।
पक्राउ पर्नेमा रुपन्देही बुटवल उप-महानगरपालिका वडा नं ५ का ३३ वर्षिय मोहम्मद साजित अली र दाङ घोराही नगरपालिका वडा नं.३ घर भई हाल जिल्ला रुपन्देही तिलोत्तमा नगरपालिका वडा नं ७ बस्दै आएका ३१ वर्षिय दिपक मल्ल रहेका छन् ।
अबैध लागु औषधको कारोवार भइरहेको छ भन्ने गोप्य सूचनाको आधारमा इलाका प्रहरी कार्यालय बुटवल रुपन्देहीबाट खटिएको प्रहरी टोलीले उनीहरुलाई पक्राउ गरेको प्रहरीले जनाएको छ । पक्राउ परेकाहरुबाट लागु औषध खैरो हिरोइन २ ग्राम ५०० मिलिग्राम बरामद भएको रुपन्देही प्रहरी प्रवक्ता मनोहर भट्टले जानकारी दिए ।
पक्राउ परेकाहरुलाई रुपन्देही जिल्ला अदालतबाट ५ दिन म्याद थप भई आवश्यक अनुसन्धान कार्य जारी रहेको प्रहरीले जनाएको छ ।
प्रतिक्रिया