नेपालगन्ज । हत्या भएको १५ महिनामा बाँके प्रहरीले हत्या अभियोग लागि फरार रहेका एकजनालाई पक्राउ गरेको छ । गत वर्षको बैशाख २९ गते नेपालगन्जमा घाँटी रेटी हत्या गरिएकी सुमदरानी थारुको हत्या अभियोगमा बाँके प्रहरीले आज एकजनालाई पक्राउ गरेको हो ।
पक्राउ पर्नेमा बर्दिया राजापुर नगरपालिका ८ घर भएका २६ वर्षिय शैलेन्द्र चौधरी रहेका छन् । उनलाई बाँके जानकी १ पचपोखरा स्थित नेपाल भारत सीमा क्षेत्रबाट पक्राउ गरिएको प्रहरीले जनाएको छ ।
प्रहरीका अनुसार गत बैशाखमा नेपालगंज उप(महानगरपालिका ९ स्थित कोठा भाडामा लिई बस्दै आएकी कोहलपुर ६ घर भएकी २२ वर्षिया सुमदरानी थारुलाई घाँटी रेटी कर्तव्य गरी शैलेन्द्र फरार भएका थिए । जिल्ला प्रहरी कार्यालय बाँकेबाट प्रहरी निरीक्षक सुजन शाहको कमाण्डमा खटिएको प्रहरी टोलिले शैलेन्द्रलाई जानकी १ पचपोखरा स्थित नेपाल भारत सिमा क्षेत्रबाट पक्राउ गरेको बाँके प्रहरी प्रवक्ता प्रहरी नायव उपरीक्षक नारयण डाँगीले बताए
पक्राउ परेका चौधरीलाई बाँके जिल्ला अदालबाट ५ दिन म्याद थप अनुमती लिई थप अनुसन्धान एवं कारवाही प्रक्रिया अगाडी बढाईएको प्रहरीले जनाएको छ ।
प्रतिक्रिया