काठमाडौं । मन्त्री पदबाट राजीनामा दिने विषयमा रास्वपा भित्र फरक फरक धारणा सार्वजनिक भएको छ । रास्वपाका प्रमुख सचेतक सन्तोष परियारले आजै राजीनामा दिने बताएपनि अहिले रास्वपाका नेताहरु प्धानमन्त्री प्रचण्डसँग छलफलमा जुटेका छन् ।
छलफलमा रहेका नेताहरुले भने प्रधानमन्त्रीसँगको छलफल पछि मात्र राजीनामा दिने नदिने टुँगोमा पुगिने बताएका छन् । यद्देपी प्रधानमन्त्री निवास बालुवाटार पुगेका रास्वपाका मन्त्रीहरुले राजन्निमापत्र खल्टीमा हालेर गएको बताइएको छ ।
रास्वपाका मन्त्रीहरूको अहिले बालुवाटारमा प्रधानमन्त्री प्रचण्डसँग राजीनामा दिनेबारेमा छलफल जारी छ ।
बुधबार नेकपा एमालेले सरकारलाई दिएको समर्थन फिर्ता लिनुका साथै मन्त्रीहरुले पनि सामूहिक राजीनामा बुझाएका थिए । नेकपा एमालेले नेकपा माओवादी केन्द्रसँगको सत्ता समीकरण तोडेर नेपाली कांग्रेससँग गठबन्धन गरेपछि सरकार अल्पमतमा परेको छ ।
सरकारमा रास्वपाका सभापति रवि लामिछाने उपप्रधानमन्त्री तथा गृहमन्त्री छन् । यसैगरी उपसभापति डोलप्रसाद अर्याल श्रम तथा रोजगार मन्त्री, सुमना श्रेष्ठ शिक्षा मन्त्री र विराजभक्त श्रेष्ठ युवा तथा खेलकुदमन्त्री छन् ।
प्रतिक्रिया