बुटवल । लुम्बिनी प्रदेश सरकारबाट एमाले बाहिरिने भएको छ । प्रदेश सरकारमा एमालेको तर्फबाट रहेका पाँच जना मन्त्रीले सामूहिक रुपमा राजीनामा दिन प्रदेश राजधानी भालुवाङ सिथ्त मुख्यमन्त्री निवास पुगेका छन् । मन्त्रीहरुले राजीनामा बुझाएसँगै एमाले सरकारबाट बाहिरिने छ ।
मुख्यमन्त्री जोखबहादुर महरालाई बेलुका मुख्यमन्त्रीको सरकारी निवास भालुवाङमा भेटेर मन्त्रीहरुले सामूहिक राजीनामा दिने भएका हुन् ।
एमालेका तर्फबाट प्रदेशमा रहेका मन्त्रीहरु चेतनारायण आचार्य, भूमिश्वर ढकाल, दिनेश पन्थी, रत्न खत्री र अर्जुन केसीले अहिले मुख्यमन्त्री निवासमा छन् । जाँदाजाँदै मुख्यमन्त्रीले खानाको प्रस्ताव गरेपछि खना खाएर राजीनामा बुझाउने तयारी भएको एक मन्त्रीले बताए ।
एमालेले आजै सरकारलाई दिएको समर्थन फिर्ता लिने निर्णय गरेको थियो । प्रदेशसभामा एमाले संसदीयदलका नेता लिला गिरीले समर्थन फिर्ताको जानकारी प्रदेश प्रमुख र सभामुखको सचिवालयमा समेत गराइसकेका छन् ।
प्रतिक्रिया