जानकीनगरमा बसको ठक्करबाट आमा छोरा गम्भीर घाइते

बुटवल । बुटवल बेलहिया सडक अन्तर्गत तिलोत्तमाको जानकीनगरमा बसको ठक्करबाट आमाछोरा गम्भीर घाइते भएका छन् । आज मध्यान्ह २ बजेको समयमा तिलोत्तमा नगरपालिका वडा न.३ जानकीनगर स्थित बुटवल बेलहिया सडकमा लु २ ख ६८८८ नं को बसले बाटो क्रस गर्दै गरेको पैदल यात्रीलाई ठक्कर दिंदा गुल्मी दरबार ६ घर भई हाल तिलोत्तमा(२ शंकनगर स्थित डेरा गरी बस्ने ३० बर्षीय रुपा खत्री र उनको छोरा ३ बर्षीय प्रिन्स खत्री घाईते भएका हुन्।

घाइते भएकी रुपा खत्रीलाई उपचारको लागि क्रिमसन अस्पताल मणिग्राम लगिएको छ । उनको टाउको र शरिरमा चोटलागेको र अवस्था गम्भीर रहेको रुपन्देही प्रहरीले जनाएको छ। प्रहरकिा अनुसार छोरा प्रिन्सको चौराहा अस्पताल उपचार भइरहेको छ । प्रहरकिा अनुसार उनको टाउकोमा चोट लागेको छ।

दुर्घटनाको थप अनुसन्धानका लागि बस र बस चालकलाई नियन्त्रणमा लिएर इलाका प्रहरी कार्यालय बुटवलमा राखिएको छ ।