बुटवल । नेपाल रिकन्डिसन अटो व्यवसायी संघ लुम्बिनी प्रदेशको अध्यक्षमा शिव प्रसाद भुसाल चयन भएका छन् । नेपाल रिकन्डिसन अटो व्यवसायी संघ केन्द्रीय कार्यालयको आयोजनामा बुटवलमा भएको प्रथम लुम्बिनी प्रदेश स्तरिय भेलाबाट भुसाल अध्यक्षमा चयन भएका हुन ।
त्यस्तै प्रदेश उपाध्यक्षमा प्रमोद पन्थी, सचिवमा कृष्ण प्रसाद घिमिरे, सह सचिवमा गोपाल तिवारी र कोषाध्यक्षमा कमल घिमिरे रहेका छन् । यसैगरी सदस्यहरुमा अनिल सापकोटा र दिपक ढडरिया चयन भएका छन् ।
त्यस्तै विमलकुमार जि.सीको संयोजकत्वमा सल्लाहकार कमिटि पनि चयन भएको छ । जसको सदस्यमा विकास पाण्डे, सन्तोष पौडेल र सन्तोष भुसाल रहेका छन् । चयन भएकापदाधिकारी तथा सदस्यहरुलाई संघका केन्द्रीय अध्यक्ष रमेशप्रसाद कोइराला, बरिष्ठ उपाध्यक्ष राजकुमार देवकोटा, सचिव अमित अधिकारी र केन्द्रीय सदस्य मुक्तिनाथ न्यौपाने (सन्तोष)ले अविर तथा खादा लगाएर शुभकामना दिएका थिए ।
संघले देशका ७ वटै प्रदेशमा कमिटि गठन गर्ने योजना अनुसार लुम्बिनी प्रदेशमा पनि रिकन्डिसन अटो व्यवसायीहरुलाई संगठित गरेको बताएको छ ।
संघका केन्द्रीय अध्यक्ष रमेशप्रसाद कोइरालाले व्यवसायीको हक हित प्रबद्र्धन गर्ने उद्देश्यले संघ गठन भएको बताए ।
देशभर रिकन्डिसन अटो व्यवसायीहरु संघमा १५० जना आबद्ध रहेका छन् । लुम्बिनी प्रदेशमा बाट मात्र संघमा २० जना आबद्ध छन् । अध्यक्षमा चयन भएका शिव प्रसाद भुसालले व्यवसायीहरुलाई एकताबद्ध ढंगले अघि बढाउने बताए ।
प्रतिक्रिया