काठमाडौं । नेकपा एमालेले प्रधानमन्त्रीलाई विश्वासको मत नदिन ह्वीप जारी गरेको छ ।
एमाले संसदीय दलका मुख्यसचेतक महेश बर्तौलाले प्रधानमन्त्रीलाई विश्वासको मत नदिन आज ह्वीप जारी गरेका हुन् । यही असार २८ गते बिहीबार प्रधानमन्त्री पुष्पकमल दाहाल प्रचण्डले प्रतिनिधिसभामा विश्वासको मत लिन लागेका छन् । सो दिनको बैठकमा पार्टीका सांसदहरूलाई अनिवार्य उपस्थित हुन निर्देशन पनि दिएको छ ।
एमालेले आफुलाई दिएको समर्थन फिर्ता लिएसँगै प्रधानमन्त्रीले विश्वासको मत लिने निर्णय गरेका थिए । एमालेले भने आफ्नो नेतृत्वमा नयाँ सरकार गठन हुन लागेको भन्दै प्रधानमन्त्रीलाई राजीनामा दिन आग्रह गरिरहेको थियो ।
प्रतिक्रिया