बुटवल । सिद्धार्थ राजमार्गको बुटवल पाल्पा खण्डको दोभानमा स्कुटी दुर्घटना हुँदा तिलोत्तमाका एक युवकको मृत्यु भएको छ भने मृतककी बहिनी गम्भीर घाइते भएकी छन् ।
आज साँझ ६ः१५ बजे भएको स्मुटी दुर्घटनाबाट स्कुटी चालक रुपन्देही तिलोत्तमा ४ डिङ्गानगरका २१ वर्षिय विवेक अधिकारीको मृत्यु भएको छ भने स्कुटी चालक अधिकारीकी बहिनी १७ वर्षिया रश्मी अधिकारी गम्भीर घाइते भएकी छन् ।
बुटवलबाट तानसेन तर्फ जाँदै गरेको लु ८६ प ६५१ नम्बरको स्कुटरले सोही दिशा तर्फबाट आउँदै गरेको लु २ ख ५३७३ नम्बरको ट्रकलाई ओभरट्याक गर्ने क्रममा एक(आपसमा ठक्कर खाई दुर्घटना भएको प्रहरीले जनाएको छ । दुर्घटना लगत्तै प्रहरी चौकी दोभानको प्रहरी टोलिले घाइते दाजु बहिनीलाई बुटवल स्थित लुम्बिनी प्रादेशिक अस्पताल पुर्याएकोमा बिवेकलाई चिकित्सकले मृत घोषणा गरेको पाल्पा प्रहरी प्रवक्ता डीएसपी सुगन्ध श्रेष्ठले बताए । घाइते रश्मीको लुम्बिनी प्रादेशिक अस्पतालमा उपचार भइरहेको छ ।
ट्रक र ट्रक चालकलाई प्रहरीले नियन्त्रणमा लिएर उक्त सवारी दुर्घटना सम्बन्धी थप अनुसन्धान कार्य जारी राखेको प्रहरीले जनाएको छ ।
प्रतिक्रिया