बुटवल । नेपाली साहित्यका आदिकवि भानुभक्त आचार्यको दुई सय ११ औँ जन्मजयन्तीको अवसरमा राष्ट्रिय लोक तथा दोहोरी गीत प्रतिष्ठान नेपाल रुपन्देहीले आयोजना गरेको प्रथम जिल्ला स्तरीय अन्तर विद्यालय रामायण वाचन प्रतियोगितामा कालिका मानवज्ञान माविका विवेक खराल प्रथम भएका छन ।
१२ विद्यालय सहभागी भएको प्रतियोगितामा खरालले सबैलाई पछाडि पारेर प्रथम हुँदै २ हजार पुरस्कार पनि हात पारे । त्यस्तै कान्ति मावि गुगल राना द्धितीय, डन मोडल स्कूलकी शिक्षा भण्डारी तृतीय र स्कलर्स होमका सचिन पन्थी सान्त्वना भए । उनीहरुले क्रमस १ हजार ५००, १ हजार र ५० नगर र प्रमाणपत्र हात पारे ।
राष्ट्रिय लोक तथा दोहोरी गीत प्रतिष्ठान नेपाल रुपन्देहीका अध्यक्ष विजय सापकोटाको अध्यक्षता संघका केन्द्रीय सल्लाहकार खिम बहादुर हमालको प्रमुख आतिथ्यतामा कार्यक्रम भएको थियो । प्रतियोगिताको निर्णायकमा डा. थानेश्वर अर्याल, डा प्रेमप्रसाद तिवारी र इन्दिरा अर्याल थिए । कार्यक्रमको संयोजक कल्पना कुसुम र कार्यक्रम सञ्चालन विधान कार्कीले गरेका थिए ।
प्रतिक्रिया