अघिल्लो सरकारले फिर्ता बोलाइएका ११ सहित १८ देशमा राजदूत सिफारिस

काठमाडौँ । सरकारले १८ देशका लागि राजदूत सिफारिस गरेको छ । सोमबार बसेको मन्त्रिपरिषद् बैठकले १८ देशमा राजदूत नियुक्ति गर्न सिफारिस गर्ने निर्णय गरेको हो ।

यसअघि २४ जेठको मन्त्रिपरिषद बैठकले भारत, अमेरिका, बेलायत,साउदी अरब, दक्षिण कोरिया, मलेसिया, स्पेन, डेनमार्क, इजरायल, कतार र पोर्चुगल गरी ११ देशको राजदूत फिर्ता बोलाएको थियो । यीसहित खाली भएका देशमा राजदूत नियुक्ति सिफारिस भएको हो ।

सरकारले अघिल्लो सरकारले फिर्ता बोलाइएका भारतका लागि नेपाली राजदूतमा डा. शंकर शर्मालाई नै निरन्तरता दिने निर्णय गरेको संघीय सरकारका एक मन्त्रीले जानकारी दिए ।

ती मन्त्रीका अनुसार पूर्वमुख्यसचिव लोकदर्शन रेग्मी अमेरिका, पूर्वसचिव चन्द्र घिमिरे बेलायत, कृष्णप्रसाद ओली चीन, पूर्वसांसद शिवमाया तुम्बाहाङ्फे दक्षिण कोरिया, डा। नेत्र तिमल्सिना मलेसियाका लागि राजदूत सिफारिस भएका छन् । यद्देपी सरकारको तर्फबाट यो समाचार तयार पार्दासम्म आधिकारिक पुष्टी भने गरेको छैन।