काठमाडौं । अविरल वर्षाका कारण त्रिभुवन अन्तर्राष्ट्रिय विमानस्थलमा हवाई उडान प्रभावित बन्न पुगेको छ । विमानस्थलको भिजिबिलिटी कम भएका कारण जहाज उडान तथा अवतरणमा समस्या विमानस्थल कार्यालयले जनाएको छ ।
केही जहाज अवतरण गर्न नसकेर आकाशमा नै होल्ड भएका छन् भने केही डाइभर्टसमेत भएको जनाइएको छ । बिहानै उडान तालिकामा रहेका जहाज पनि अविरल वर्षाका कारण प्रभावित भएको छ ।
खराब मौसमका कारण इस्तानबुलबाट आएको टर्किस एयरलाइन्सको विमान भारतको लखनऊ डाइभर्ट भएको छ । यस्तै, दुबईबाट आएको फ्लाई दुबईको विमान आकाशमै होल्ड छ ।
यसैगरी हिमालय एयरलाइन् र एयर इन्डियकामा विमान पनि आकाशमै होल्ड भएका छन् । फ्लाई दुबईको, नेपाल एयरलाइन्स र टर्किस एयरलाइन्को उडान पनि डिले भएको छ ।
कुवेत एयरलाइन्स र एयर अरेबियाको विमान भने अवतरण भएको विमानस्थल कार्यालयले जनाएको छ ।
मनसुन सक्रिय भएसँगै देशभर पानी परिरहेको छ । काठमाडौं उपत्यकासहित देशका अधिकांश स्थानमा रातभर झरी परेको छ ।
प्रतिक्रिया