पाल्पा । पाल्पा-गुल्मी सडक अन्तर्गत बर्तुङ-रिडी खण्डको जोर्तेमा २ ठुला ढुङ्गाहरु खसेर पूर्णरुपमा बन्द भएको सडक एकतर्फी सञ्चालनमा आएको छ । आज १०ः३० बजेबाट सो सडक एकतर्फी संचालनमा आएको हो ।
बर्तुङ रिडी खण्डको जोर्तेमा ढुङ्गाहरु खसेका कारण अवरुद्ध सडक हेभी इक्युपमेन्ट डिभिजन बुटवलको सहयोगमा विभागीय लोडर तथा एक्साभेटर प्रयोग गरी आज बिहान करिब १०ः३० देखि एकतर्फी यातायात सञ्चालनमा आएको सडक डिभिजन पाल्पाले जानकारी दिएको छ । सडक कार्यालयले ढुङ्गाहरु खस्ने जोखिम अझै रहेकाले सतर्क भएर यात्रा गर्न यात्रुहरुलाई आग्रह समेत गरेको छ ।
विभागीय लोडर प्रयोग गरी ढुङ्गा पन्छाउन नसकिएपछि हेभी इक्युपमेन्ट डिभिजन बुटवलको सहयोग मागिएको सडक डिभिजन पाल्पाले जनाएको छ । २ ठुला ढुङ्गा सडकमा खसेका कारण पाल्पा गुल्मीको सडक यातायात पूर्णरुपमा बन्द भएको थियो ।
प्रतिक्रिया