बुटवल । पाल्पा–गुल्मी सडकखण्ड एक महिनासम्म दैनिक १२ घण्टा बन्द हुने भएको छ।
तानसेनस्थित बर्तुङ–रिडी–तम्घास सडकअन्तर्गत मालमुल–जोर्ते सडकखण्ड चौडा गर्ने काम भइरहेकाले आज (सोमबार) देखि फागुन ९ गतेसम्म दैनिक १२ घण्टा बन्द गरिने सडक डिभिजन कार्यालय पाल्पाले जनाएको छ ।
बिहान ५ देखि ९ बजेसम्म , दिउँसो १२ देखि ४ र बेलुकी ६ देखि राति १० बजेसम्म सडक बन्द हुने सडक डिभिजन कार्यालय पाल्पाले जारी गरेको सूचनामा उल्लेख गरिएको छ ।
मुल सडकखण्ड बन्द भएको अवस्थामा सवारी साधन वैकल्पिक सडकको प्रयोग गर्दै जोर्ते, लुहुङ हुँदै तानसेनको बतासेडाँडाबाट आवतजावत गर्न सक्ने सडक डिभिजन कार्यालय पाल्पाका प्रमुख प्रदीपमणि निरौलाले बताए ।
प्रतिक्रिया