काठमाडौं । नुवाकोटमा एयर डाइनेस्टीको हेलिकटर दुर्घटना भएको छ ।
शिवपुरी-७ सूर्यचौर डाँडामा एयर डाइनेस्टीको कलसाइन नाइनएन एजेडी रहेको हेलिकोप्टर दुर्घटना हुँदा पाँच जनाको मृत्यु भएको छ ।
बुधबार काठमाडौंबाट रसुवाका लागि उडेको एयर डाइनेस्टीको हेलिकोप्टर दुर्घटना भएको हो ।
क्याप्टेन अरुण मल्लले उडाइरहेको सो हेलिकोप्टरमा चार जना चिनियाँ पर्यटक सवार थिए । मृत्यु हुनेमा पाइलट मल्लसहित चिनियाँ पर्यटक जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष) रहेका छन् ।
दिउँसो १ बजेर १४ मिनेटमा चिनियाँ पर्यटक लिएर सो हेलिकोप्टर स्याफ्रुबेंसी उडेको त्रिभुवन अन्तर्राष्ट्रिय विमानस्थलका प्रवक्ता सुवास झाले जनाएका छन् ।
दुर्घटनास्थलमा नेपाली सेना, नेपाल प्रहरीसहितको उद्दार टोलीले काम गरको छ ।
प्रतिक्रिया