नेपालगन्ज । काठमाडौंबाट बैतडीका लागि उडेको अन्नपूर्ण एयरलाइन्सको हेलिकोप्टर आज अपरान्ह बाँकेको राप्ती नदीको बगरमा आकस्मिक ल्याण्ड गरेको छ । काठमाडौंबाट उडेको हेलिकोप्टर नेपालगन्जमा तेल हालेर बैतडी जानेक्रममा मौसम खराब भएपछि राप्ती नदीको बगरमा आकस्मिक ल्याण्ड गरेको हो ।
खराब मौसमका कारण नदी बगरमा फोर्स ल्याण्ड गरेको बताइएको छ । बगरमा केही बेर होल्ड भएको हेलिकोप्टर त्यसपछि त्यहाँबाट सशस्त्र प्रहरीको कुसुमस्थित बेसक्याम्पमा लगिएको छ । सशस्त्रको बेसक्याम्पसमा हेलिकोप्टर राखिएको सशस्त्र प्रहरीले जनाएको छ ।
हेलिकोप्टरमा पाइलटसहित तीन जना छन् । दुई जना पर्यटकलाई बोकेर हेलिकोप्टर बैतडी जादै गरेको हेलिकोप्टर दुई जना यात्रुसहित आज सशस्त्र बेसक्याम्प मै रहने सशस्त्र प्रहरीका एसपी बिमल डाँगीले जानकारी दिए ।
प्रतिक्रिया