काठमाडौं । गायक प्रकाश तिमिल्सिनाको निधन भएको छ । हिजो साँझ भैँसेपाटीस्थित डेरामा अचेत अवस्थामा फेला परेका उनलाई तत्काल पाटन अस्पताल पुर्याइएकोमा चिकित्सकले मृत घोषित गरेका थिए ।
तिमिल्सीनाको शव आज बिहान ८ बजे सङ्गीत तथा नाट्य प्रज्ञाप्रतिष्ठान नक्साल भगवती बहालमा अन्तिम श्रृद्धान्जलीका लागि राखिने र अन्तिम संस्कार पनि आजै पशुपति आर्यघाटमा गरिने जनाइएको छ ।
‘नेपाली तारा’ मार्फत् सङ्गीत क्षेत्रमा उदाएका तिमिल्सिनाले ‘प्रिय तिम्रो सिउँदोमा सिन्दूर भर्न देऊ’, ‘नमान लाज यसरी’, ‘नआए नि हुन्थ्यो’ लगायतका दर्जनौँ गीत गाएका थिए ।
उनी आँखाको उपचारका लागि लामो समयदेखि अमेरिका जाने प्रयासमा थिए । उनका दुवै आँखाको दृष्टि थिएन ।
प्रतिक्रिया