मानवसेवा आश्रमको स्थापना दिवसमा बुटवलमा रक्तदान

बुटवल । मानवसेवा आश्रम(मानवता प्रवर्द्धन महाअभियान)को १२ औँ वार्षिक उत्सवको अवसरमा रक्तदान गरिएको छ । मानवसेवा आश्रम रुपन्देही बुटवल शाखाले स्थापना दिवसको अवसरमा रक्तदान कार्यक्रम गरेको हो ।

बुटवलमा आयोजना गरिएको रक्तदान कार्यक्रममा बोल्दै बुटवल उपमहानरपालिकाका प्रमुख खेलराज पाण्डेयले पुन्यको काम गर्दै आएको आश्रमले थप पुन्यको काम गरेको बताए । उनले बुटवल उपमहानरपालिका सडकआश्रीत मानव मुक्त नगरको रुपमा घोषण भैसकेको जानकारी दिँदै मानव सेवा आश्रमको परिवारसँग आफुले जहिले पनि सहकार्य गर्ने प्रतिबद्धता ब्यक्त गरे । सबै स्थानीय तहलाई उदाहरणीय कार्यको रुपमा मानवसेवा आश्रमले काम गर्दै आएको बताए ।

कार्यक्रममा नेपाल स्वयमसेवी रक्तदाता समाजका केन्द्रीय महासचिव तथा जिल्ला अध्यक्ष कृष्ण चौहानले रक्तदान जस्तो महान अभियानमा सबैले साथ सहयोग गर्नुपर्ने बताए ।

कार्यक्रममा मानवसेवा आश्रमा अभिभावक लोकनाथ भुषाल, मानवेवा आश्रम लुम्बिनी प्रदेश संयोजक सरुअधिकारी लगायतले आ आफ्नो माव सेवाका बारेमा धारणा राखेका थिए ।नेपाल रेडक्रस सोसाईटी रुपन्देहीरक्तसञ्चार सेवा केन्द्र बुटवलको सहकार्यमा आयोजना गरिएको रक्तदान कार्यक्रममा २६ जनाले रक्तदान गरेका थिए ।