काठमाडौं । काठमाडौं महानगरपालिका प्रमुख बालेन साहले नेकपा एमालेकी बागमती प्रदेश सभाकी सदस्य रेखा शर्माले नाबालिगमाथि हिँसा गर्दै आएको आरोप लगाएका छन् । बालेनले आज सामाजिक सञ्जाल मार्फत प्रदेशसभा सदस्य शर्माले विगत ८ वर्षदेखि एकजना नाबालिकलाई बन्दी बनाएर राखेको र घरेलुकामदारका नाममा हिंसा गर्दै आएको आरोप लगाएका हुन् ।
सांसदको फोटो समेत सार्वजनिक गर्दै महानगर प्रमुख बालेनले नाबालिका माथि हिँसा गर्ने र हरेक दिन कुटपिट गर्दै आएको जनाउँदै महानगरले २ महिना देखि कारवाही अगाडि बढाउन भन्दा पनि उनीमाथि सरकारले कारवाही नचलाएको जनाएका छन् । उनले अदालतले मुद्दा चलाउने आदेश दिँदा पनि सरकारले बेवास्ता गरेको बताएका छन् ।
प्रधानमन्त्री केपी ओलीलाई सम्बोधन गर्दै बालेनले लेखेका छन् – ‘सायद तपाईंको लागि सुशासनको अर्थ सो बालिकाको मृत्यु पछि गोहिको आँसु चुहाएर फेसबुकमा समवेदना दिदै एक लाख घोषणा गर्नु नै होला । कहिले समाउने ?? कि नसमाउने ??’
प्रतिक्रिया