काठमाडौं । नेकपा एमालेको पोलिटब्युरो बैठक शुरु भएको छ । पार्टी केन्द्रीय कार्यालय च्यासलमा केहीबेर अघि बैठक शुरु भएको हो ।
बैठकमा पार्टीको वार्षिक कार्ययोजना, समसामयिक राजनीतिक परिस्थिति, सरकारको समीक्षालगायत विषयमा छलफल हुने बताइएको छ ।
भोलीसम्म चल्ने बैठकमा केन्द्रीय सचिवालयले तयार पारेको २०८४ सालसम्मको पार्टी कार्ययोजनाबारे विस्तृत छलफल हुने जनाइएको छ ।
साथै बैठकले कार्ययोजनामा बाँकी रहेका जिल्ला अधिवेशन, पालिका र वडा तहका अधिवेशन, सदस्यता र सङ्गठन विस्तार अभियान समेटिएका छन् ।
एमालेले यसअघि केन्द्रीय कमिटी बैठकबाट २०८१ भरि सङ्गठन शुद्धीकरण र सुदृढीकरण अभियान चलाउने निर्णय गरिसकेको छ ।
आजको पोलिटब्यूरो बैठकमा प्रदेश अध्यक्षहरु सहभागी छैनन् । यसअघि एमालेमा पोलिटब्यूरोमा प्रदेश अध्यक्षहरु पदेन सदस्यका रुपमा रहेको भएपनि गत २२ साउनमा अपानि जारी गरेर प्रदेश अध्यक्षहरुलाई तह घटाउँदै पदेन केन्द्रीय सदस्यको सूचीमा राखिएको थियो ।
प्रतिक्रिया