नेपालगन्ज । हरेक वर्ष नेपाल सम्बतको पहिलो दिन नेपालगन्जमा हुँदै आएको न्हु दया भिन्तुना र्याली यसवर्ष नहुने भएको छ । नेवाः पुचको आयोजनामा हुँदै आएको भिन्तुना र्याली जेन जी युवाहरुले ज्यान गुमाएको शोकमा पुचले नगर्ने भएको हो ।
नेवाः पुच बाँकेका अध्यक्ष जितेन्द्रकुमार जोशीले आज एक बिज्ञप्ति प्रकाशित गर्दै युवाहरुले ज्यान जोगाएको शोकमा यसवर्ष भिन्तुना र्याली नगर्ने जनाएका छन् । बिज्ञप्तिमा देश विषम परिस्थितीमा गुज्रेको तथा युवाहरुको ज्यान गएको र सयौं घाइते युवाहरुले अहिलेपनि बिभिन्न अस्पतालहरुमा उपचार गराईरहेको अवस्था रहेको उल्लेख गरिएको छ ।
बिज्ञप्तिमा अध्यक्ष जोशीले मृतक युवाहरु प्रति श्रद्धान्जली अर्पण गर्दै घाइतेहरुको सिघ्र स्वास्थ्य लाभको कामना पनि गरेका छन् ।
प्रदर्शनमा नेपालगन्जका २ जना युवाको पनि प्रहरीको गोली लागेर मृत्यु भएको थियो । मृतक मध्यका शुलभ श्रेष्ठका पिता नरेन्द्र श्रेष्ठ नेवाः पुच बाँकेमा सदस्य समेत हुन् ।
प्रतिक्रिया