बझाङ । बझाङमा सोमबार बिहान भएको जिप दुर्घटना हुँदा चार जना घाइते भएका छन् ।
तलकोटबाट सदरमुकामतर्फ गइहेको बा १८ च ५१४९ नम्बरको जिप जयपृथ्वी नगरपालिका– ११ स्थित खानेपानी ट्यङ्की नजिक जिप दुर्घटना भएको हो । सात जना यात्रु सवार जिपको ब्रेक फेल भएपछि दुर्घटनामा परेको थियो ।
दुर्घटनामा परी घाइने हुनेहरुमा तलकोट गाउँपालिका–१ बस्ने ५६ वर्षीय बिरबहादुर बम्म, ४५ वर्षीया धनलक्ष्मी देवी बम्म, जयपृथ्वी नगरपालिका– ११ बस्ने २५ वर्षीया विद्या बोहरा र १७ वर्षका शंकर धामी रहेका छन् । घाइते सबैको जिल्ला अस्पताल बझाङमा उपचार भइरहेको छ ।
जीप चालक नवीन बोहरालाई प्रहरीले नियन्त्रणमा लिएको छ ।
प्रतिक्रिया