बुटवल । सिद्धार्थ राजमार्गको बुटवल पाल्पा खण्डमा मोटरसाइकल दुर्घटना हुँदा १ महिलाको मृत्यु भएको छ । आज दिउँसो सो सडकको तानसेन-८ गौडे भन्ने स्थानमा भएको मोटरसाइकल दुर्घटनाबाट तानसेन-७ प्रभासकी २७ वर्षिया साबित्रा थापाको मृत्यु भएको हो ।
प्रहरीका अनुसार सिद्धार्थ राजमार्ग अन्तर्गत गौडेमा बुटवलबाट पाल्पा तर्फ जाँदै गरेको लु ८८ प ६६५६ नम्बरको मोटरसाइकल आफै अनियन्त्रीत भई सडक देखि अन्दाजी ५० मिटर तल खोलामा खसेर दुर्घटना भएको हो ।
मोटरसाइकलमा सवार चालक तानसेन-७ प्रभासका ४३ वर्षिय ईन्द्र बहादुर गाहा र मोटरसाईकल पछाडि सवार साबित्रा थापा घाईते भएकोमा सावित्रा थापाको उपचारका क्रममा मृत्यु भएको प्रहरीले जनाएको छ । घाइते दुबैजनाको प्रहरीले उद्दारगरि लुम्बिनी मेडिकल कलेज प्रभास पठाईएकोमा थापाको उपचारको क्रममा मृत्यु भएको जिल्ला प्रहरी कार्यालय पाल्पाका प्रहरी निरीक्षक सन्दिप बेल्बासेले जानकारी दिए ।
उक्त सवारी दुर्घटना सम्बन्धी थप अनुसन्धान कार्य जारीरहेको उनले बताए ।
प्रतिक्रिया