अमेरिकामा राष्ट्रपति पदका रिपब्लिकन उम्मेदवार डोनाल्ड ट्रम्पले महत्वपूर्ण राज्य उत्तर क्यारोलिनामा जित हात पारेका छन् । यो पहिलो स्विङ राज्यको नजिता हो । जसका कारण उहाँलाई १६ इलेक्ट्रोरल मत प्राप्त भएको छ ।
यो जीतले आवश्यक २७० इलेक्ट्रोरल मतहरू सुरक्षित गर्ने बाटोमा ट्रम्पलाई अघि बढाएको छ ।
तर धेरैजसो अन्य स्विंग राज्यहरूमा नतिजा अझै आउन बाँकी छ । जसले गर्दा परिणाम कमला ह्यारिसको पक्षमा पनि जान सक्ने सम्भावना छ ।
विस्कन्सिन, पेन्सिल्भेनिया, र मिशिगन जस्ता राज्यहरुमा चुनाव जितेमा नतिजा बदलिन पनि सक्नेछ ।
उत्तर क्यारोलिनाको जित रिपब्लिकनका लागि ठूलो सफलता हो । ट्रम्पले उत्तर क्यारोलिनामा २०१६ र २०२० मा जितेका थिए । तर अन्तर भने घटिरहेको थियो ।
उत्तर क्यारोलिनामा अन्तिमपटक डेमोक्रेटिक उम्मेदवार बाराक ओबामाले सन २००८ मा चुनाव जितेका थिए । तर ओबामा २०१२ मा पुनःनिर्वाचनमा रिपब्लिकन उम्मेदवार मिट रोम्नीसँग पराजित भएका थिए।
अमेरिकामा लोकप्रिय नेपाली अनलाइन खसोखास बाट
प्रतिक्रिया