कांग्रेस उपसभापति गुरुङसँग सहकारी रकम अपचलनका विषयमा सोधपुछ

काठमाडौं । नेपाल प्रहरीको केन्द्रीय अनुसन्धान ब्यूरो (सिआइबी)ले नेपाली कांग्रेसका उपसभापति धनराज गुरुङसँग सोधपुछ गरेको छ ।

लाजिमपाटस्थित सिआइबीको कार्यालयमा आज उनीसँग मितेरी सहकारीको बचत रकम अपचलनका विषयमा उठेका प्रश्नका विषयमा सोधपुछ गरिएको ब्यूरो प्रमुख, प्रहरी अतिरिक्त महानिरीक्षक दीपक थापाले जानकारी दिए ।

बयान लिएपछि उनीसँग घटना विवरण कागजसमेत गराइएको सिआइबीले जनाएको छ । ललितपुरमा रहेको मितेरी बचत तथा ऋण सहकारी संस्थाको रु १२ करोड ५० लाख रकम अपचलन भएको निवेदन परेपछि सिआइबीले अनुसन्धान गरिरहेको छ । सोहीक्रममा उपसभापति गुरुङसँग आज सोधपुछ गरिएको हो ।

बयानका क्रममा उपसभापति गुरुङले मितेरी बचतबाट छोरा विदेश पठाउने बेलामा १२ लाख रुपैयाँ ऋण लिएको स्वीकारेका छन् । बषनमा उनले साधारण सदस्यको रूपमा ऋण लिएको सकारे । तर, डिभोर्सका बेला घर धितो राखेर लिएको ऋण तिर्ने र अरू दाबी नगर्ने सर्तमा पत्नीसँग छुट्टिएको उनले बताएका छन् । उनले डिभोर्सका बेला आफ्नो भागमा परेको ८४ लाख रुपैयाँ तिरेको उल्लेख गर्दै त्यसबाहेक सहकारीबाट ल्याएर अपचलन गरेको नगरेको बताएका छन् ।

सहकारीले आफ्नो घर लिलाम गरेको उनले बताएउँदै उनले अनुसन्धानलाई सहयोग गर्न आफू तयार रहेको बताएका छन् । ।