काठमाडौँ । नेकपा एमालेका महासचिव शंकर पोखरेलले प्रधानमन्त्री विरुद्ध नक्कली कागजात तयार गरी जनतामा भ्रम सिर्जना गर्न खोजिएको बताएका छन् ।
प्रधानमन्त्री जस्तो जिम्मेवार व्यक्तिका विरुद्धमा नक्कली कागजात तयारगरी जनतामा भ्रम सिर्जना गर्नु राष्ट्र र जनताका विरुद्धको षडयन्त्र भएको महासचिव पोखरेलले बताएका छन् ।
मेडिकल व्यवसायी दुर्गा प्रसाईले प्रधानमन्त्री केपी शर्मा ओलीले कम्बोडियाको टेलिकम कम्पनीमा २१ करोड अमेरिकी डलर लगानी रेको प्रमाण भन्दै भिडियोमार्फत केही अपुष्ट कागजपत्र सार्वजनिक गरेका छन् । प्रसाईंको त्यो आरोपसहितको भिडियो सामाजिक सञ्जालमा भाइरल बनेको छ ।
प्रधानमन्त्रीमाथि लगाएको गम्भीर आरोपलाई एमाले महासचिव पोखरेलले कुनै पनि समाजका लागि षडयन्त्र र अराजकता त्यस समाजको भविष्यलाई वर्वाद बनाउने विषवृक्ष भनेका छन् ।
पोखरेलले भनेका छन् :
देशको प्रधानमन्त्री जस्तो जिम्मेवार व्यक्तिका विरुद्धमा नक्कली कागजात तयारगरी जनतामा भ्रम सिर्जना गर्नु राष्ट्र र जनताका विरुद्धको षडयन्त्र हो ।
कुनै पनि समाजका लागि षडयन्त्र र अराजकता त्यस समाजको भविष्यलाई वर्वाद बनाउने विषवृक्ष हो । यस प्रकारको षडयन्त्र र अराजकतावाट राष्ट्र र समाजलाई सुरक्षित गर्नु हामी सबैको कर्तव्य हो ।
प्रतिक्रिया