कैलाली । सुदूरपश्चिम प्रदेशका आर्थिक मामिला राज्यमन्त्री प्रकाश बम भारतीय बजारमा किनमेल गर्न गएकाबेला दुर्घटनामा परेका छन् । किनमेल गर्न भारतीय बजार पुगेका मन्त्री सवार गाडी दुर्घटनामा राज्यमन्त्री बम घाइते भएका हुन् ।
राज्यमन्त्री बम सवार प्रदेश ३—०१—०२४ च नम्बको जीप आज साँझ भारतको पलिया बजार नजिक दुर्घटनामा परेको कैलाली प्रहरी कार्यालयका प्रहरी निरीक्षक दर्शन खड्काले जानकारी दिएका छन् ।
दुर्घटनामा राज्यमन्त्री बम सहित राज्यमन्त्रीकी श्रीमती कल्पना बम र सहयोगी पदम देउवा पनि घाइते भएका छन् । सबै घाइतेको धनगढीस्थित निसर्ग अस्पतालमा उपचार भइरहेको प्रहरीले जनाएको छ ।
राज्यमन्त्रीको अवस्था सामान्य छ । भारतको खिरी जिल्लास्थित पलिया बजारमा किनमेल गरेर फर्किने क्रममा मन्त्री सवार गाडी दुर्घटना भएको हो ।
प्रतिक्रिया