बुटवल । रुपन्देहीमा पछिल्लो केही दिनयता हुस्सु, कुहिरो र शितलहरसँगै चिसो बढेपछि रुपन्देहीका स्थानीय पालिकाहरुले विद्यालयमा सार्वजनिक बिदा दिने निणर्य गरेका छन ।
अत्याधिक चिसो बढेपछि तिलोत्तमा नगरपालिकाले पुस २५ गतेदेखि २९ गतेसम्म सार्वजनिक बिदा दिने निर्णय गरेको हो । नगरपालिका प्रमुख प्रशासकीय अधिकृत नारायण अर्यालले एक सूचना जारी गरि नगरपालिका भित्रका सबै विद्यालयमा बिदा दिने बताए ।
यसअघि रुपन्देहीका तीन स्थानीय पालिकाले विद्यालयमा सार्वजनिक बिदा दिइसकेको छ । जिल्लाका दक्षिण भेगका मर्चवारी, कोटहीमाई र सम्मरीमाई गाउँपालिकामा सोमबारदेखि जाडो बिदा दिइएको हो ।
सम्मरीमाई र मर्चवारीले पुस २२ देखि माघ २ गतेसम्म बिदा दिएका छन् । त्यस्तै कोटहीमाईले पुस २२ देखि पुस २९ गतेसम्म बिदा दिएको हो ।
चिसो अत्याधिक बढेका कारण बालबालिकाहरु तथा वृद्धवृद्धाहरुलाई सकेसम्म घर बाहिर ननिस्कन चिकित्सकहरुले सल्लाह दिएका छन् । सकेसम्म उनीहरुलाई न्यायो ठाउँमा बस्नुपर्ने बताइएको छ । यसैगरी अन्य उमेर समूहका व्यक्तिहरुले समेत न्यानो र बाक्लो कपडा लगाएर बाहिर निस्कन चिकित्सकहरुको सल्लाह छ ।
प्रतिक्रिया