बुटवल । बुटवलबाट गुल्मी जाँदै गरेको यात्रुवाहक गाडीले ठक्कर दिँदा एक जना पैदलयात्रीको मृत्यु भएको छ । गुल्मी जाँदै गरेको लु २ ख ५६१८ नम्बरको फोर्स गाडीको ठक्करबाट पैदलयात्रीको मृत्यु भएको हो ।
मृत्यु हुनेमा पाल्पाको तानसेन नगरपालिका ११ सामाकोटकी ४६ वर्षीया सिता गहजराज रहेको जिल्ला प्रहरी कार्यालय पाल्पाले जनाएको छ ।
गहतराजलाई शनिबार पाल्पा गुल्मी सडकखण्डमा बुटवलबाट गुल्मी जाँदै गरेको लु २ ख ५६१८ नम्बरको फोर्स गाडीले बाटोमा हिडिरहेको अवस्थामा ठक्कर दिएको जिल्ला प्रहरी कार्यालय पाल्पाका प्रहरी निरीक्षक सन्दिप बेल्वासेले बताए ।
ठक्करबाट घाइते भएकी गहजराजको उपचारको क्रममा लुम्बिनी मेडिकल कजेल प्रभासमा मृत्यु भएको प्रहरी निरीक्षक बेल्बासेले बताए ।
प्रतिक्रिया