काठमाडौं । राजधानीमा जारी त्रिकोणात्मक महिला टी-२० आई सिरिज सिरिजअन्तर्गत आज नेपालले दोस्रो खेलमा थाइल्यान्डसँग प्रतिस्पर्धा गर्दै छ । कीर्तिपुरस्थित त्रिवि क्रिकेट मैदानमा मध्यान्न १२;१५ देखि सुरु हुने प्रतियोगितामा नेपाल पहिलो जितको खोजीमा हुने छ भने थाइल्याण्ड लगातार दोस्रो जितको प्रयासमा हुने छ ।
नेपालले पहिलो खेलमा नेदरल्यान्ड्ससँग पराजित भएको थियो भने शुक्रबार भएको खेलमा थाइल्याण्डले नेदरल्याण्डलाई पराजित गरेको थियो । महिला टी-२० आई वरियतामा नेपाल २० औं स्थानमा छ भने थाइल्याण्ड १३ औँ स्थानमा रहेको छ । यसैगरी नेदरल्याण्ड्स १६ औं स्थानमा रहेको छ । सिरिजमा सहभागी टोलीले एकअर्कासँग समान ३ पटक खेल्नेछन् । लिग चरणको अंक तालिकाको शीर्ष स्थानमा रहने टोली विजेता बन्नेछ ।
नेपाली महिला टोली : इन्दु बर्मा (कप्तान), बिन्दु रावल, सम्झना खड्का, कविता कुवँर, ममता चौधरी, पुजा महतो, राजमती ऐरी, रुविना क्षेत्री, कविता जोशी, रोमा थापा, मनिषा उपाध्याय, अलिसा कुमारी यादव, रेवती धामी, इश्वरी बिष्ट र सिता राना मगर
प्रतिक्रिया