बुटवल । रुपन्देही प्रहरीले ठुलो परिमाणमा लागु औषध चरेस र गाँजा सहित ७ जनालाई पक्राउ गरेको छ । जिल्ला प्रहरी कार्यालय रुपन्देहीको लागु औषध नियन्त्रण ब्यूरोले जिल्लाको सिद्धार्थनगर भैरहवा र तिलोत्तमाबाट लागु औषध चरेस र गाँजा सहित ७ जनालाई पक्राउ गरेको हो ।
पक्राउ पर्नेमा धादिङ्ग गजुरी गाउँपालिका वडा नं. ८ का ३३ वर्षिय दिपक तामाङ, सोही स्थानका ३६ वर्षिय सुन बहादुर तामाङ, ३१ वर्षिय नक्कल बहादुर तामाङ, ४१ वर्षिय कोप्रेमलाल तामाङ तथा रुपन्देही सिद्धार्थनगर नगरपालिका वडा नं ४ आदर्शनगरका २५ वर्षिय जिबन मल्लाह रहेका छन् ।
त्यसैगरि प्रहरीले रुपन्देही तिलोत्तमा नगरपालिका वडा नं.१४ का २३ वर्षिय दिलिप केवट र स्याङ्जा गल्याङ्ग नगरपालिका वडा नं. १ का ३८ वर्षिय जिवनाथ पाण्डेलाई पनि पक्राउ गरेको छ ।
सिद्धार्थनगर नगरपालिकावडा नं. ४ र वडा नं. ८ तथा तिलोत्तमा नगरपालिका वडा नं. १५ मा लागु औषध कारोबार हुँदै छ भन्ने गोप्य सुचनाको आधारमा जिल्ला प्रहरी कार्यालय रुपन्देही र लागु औषध नियन्त्रणब्यूरो शाखा कार्यालय भैरहवाबाट खटिएको प्रहरी टोलीले २० किलो ७९ ग्राम चरेस, २१ किलो गाँजा र लागु औषध पोल्याण्ड जस्तो देखिने ८४ ग्राम धुलो पदार्थ सहित ७ जनालाई पक्राउ गरेको प्रहरीले जनाएको छ ।
पक्राउ परेकाहरुलाई लागु औषध ओसार पसार तथा बेचबिखन मुद्दामा थप अनुसन्धानको कार्य जारी रहेको प्रहरीले जानकारी दिएको छ ।
प्रतिक्रिया