बुटवलको द कन्सेप्टको स्थापना दिवसमा अल्बाट्रोसको सांगितिक कार्यक्रम

बुटवल । द कन्सेप्ट क्लब एन्ड पप बुटवलले आफ्नो स्थापनाको सात वर्ष पुरा गरेको अवसरमा विशेष सांगितिक कार्यक्रम गर्ने भएको छ । ७ औं वार्षिकोत्सवको अवसरमा बुटवलका युवा पुस्तालाई भरपुर मनोरञ्जन दिने उद्देश्यले नेपालकै प्रख्यात ब्याड अल्बाट्रोस मार्फत सांगीतिक कार्यक्रम गर्ने भएको हो ।

सात वर्ष अगाडी बुटवललाई रात्रीकालिन सांगीतिक मनोरञ्जन दिने उदेश्यले कन्सेप्ट क्लब स्थापना गरिएको सन्चालक अतित थापाले जानकारी दिए । पछिल्ला वर्षहरूमा, नेपाली संगीतका ख्यातीप्राप्त ठूला ब्यान्ड भित्राएको थियो । जस्तै श्याडोज नेपाल, १९७४ एडी, अल्बाट्रोस र जिन्दाबादका साथै अन्तर्राष्ट्रिय कलाकारहरू जस्तै एरोग्या, डीजे लीनाटा र डीजे सी क्वीनलाई जस्ता कलाकार ल्याउन सफल भएको सञ्चालक थापाले बताए । क्लबको स्थापना भएसंगै रात्रीकालिन सांगितिक रमाईलोका लागि काठमाडौं, पोखरा जाने क्रम रोकिएको र बजार समेत चलायमान बनाउन सहयोग पुगेको उनको भनाई छ ।

क्लबले प्रतिभाशाली कलाकारहरूलाई आफ्ना सीप कला प्रस्तुत गर्न र दर्शकहरूलाई प्रत्यक्ष संगीतको जादू अनुभव गर्न मञ्च उपलब्ध गराउँदै आएको छ । रक र लोकगीतदेखि हिप हप र इलेक्ट्रोनिक जस्ता कला प्रदर्शन गराउदै आएको छ । जसले कन्सेप्ट रकबारमा संगितप्रेमीका लागि भरपुर मनोरञ्जन दिदै आएको सन्चालक थापाको भनाई छ । काठमाडौं केन्द्रीत रात्रीकालिन मनोरञ्जन कार्यक्रमलाई बुटबल भित्राउने पहिलो रक वार रहेको उनको दाबी छ ।