बुटवलमा मिडियाग्राम स्थापना गरी सञ्चारगृहरुको संरक्षण गर्ने योजना अघि सारिएको छ : नगर प्रमुख पाण्डेय

बुटवल । सञ्चार माध्यमहरुका समस्या र चुनौतीबारे बृहत अन्तरक्रियाका लागि बुटवलमा आजदेखि दोस्रो मिडिया सम्मेलन सुरु भएको छ । प्रकाशन तथा प्रसारण संघ लुम्बिनीको आयोजनामा सुरु सम्मेलनमा विभिन्न विषयमा प्यानल डिस्कशन गरिने भएको छ ।

सम्मेलनको उद्घाटन गर्दै बुटवल उपमहानगरका नगर प्रमुख खेलराज पाण्डेयले बुटवलमा मिडियाग्राम स्थापना गरी सञ्चारगृहरुको संरक्षण गर्ने योजना अघि सारिएको बताए । सञ्चार गृहहरुले भोग्नु परेको आर्थिक संकटलाई यसले कम गर्ने बताउँदै उनले उपमहानगरले मिडिया ग्रामको योजना अघि बढाएको उल्लेख गरे । यसैगरी बुटवलको बिकासमा मिडियाले खेलेको भूमिका बारे चर्चा गर्दै पाण्डेले यहाँको प्रचार-प्रसार गरी अब पर्यटन बिकासमा जोड दिनुपर्ने बताए ।