काठमाडौं । डेडिकेटेड तथा ट्रंक लाइनबाट विद्युत खपत गरेर महुसुल नबुझाउने उद्योगहरुको लाईन काट्न थालेपछि ती उद्योगहरुले महसुल बुझाउन सुरु गरेका छन् । नेपाल विद्युत प्राधिकरणले लोड मिलान गर्न महसुल नबुझाएका उद्योगहरुको लाईन काट्न सुरु गरेपछि उद्योगहरुले महसुल बुझाउन थालेका हुन् ।
नवलपरासी .(बर्दघाट सुस्तापश्चिम)को सुनवलमा सञ्चालनमा रहेको लक्ष्मीस्टीलले डेडिकेटेड तथा ट्रंक लाइनबाट विद्युत खपत गरेवापतको बक्यौता महसुल तिर्न सुरु गरेको छ ।
२३ करोड ७९ लाख रुपैयाँबक्यौतामध्ये लक्ष्मी स्टीलले शुक्रबार पहिलो किस्ता बापत ८४ लाख ९८ हजार रुपैयाँ बुझाएको नेपाल विद्युत प्राधिकरण, परासी वितरण केन्द्र प्रमुख सुरज रेग्मीले जानकारी दिए । उद्योगले २८ किस्तामा बक्यौता तिर्ने छ ।
यसैगरी, सुनवलमै सञ्चालित अर्को उद्योग सर्वोत्तम सिमेन्टले बक्यौता बापतको दोस्रो किस्ता बुझाएको छ । २८ किस्तामा बक्यौता तिर्ने प्रतिबद्धता जनाएको उद्योगले शुक्रबार दोस्रो किस्ता पावत ३७ लाख ६३ हजार रुपैयाँ बुझाएको हो । उद्योगको बक्यौता ११ करोड ९६ लाख रुपैयाँ रहेको छ ।
प्रतिक्रिया