बुटवल । तिलोत्तमा नगरपालिका वडा नम्बर-२ योगीकुटीमा अवस्थित श्री शिशु कल्याण पाठशालाले सातौं वार्षिकोत्सव तथा छैटौं दीक्षान्त समारोह सम्पन्न गरेको छ ।
शिशुकल्याण पाठशालाले बिहीबार सातौं वार्षिकोत्सव तथा छैटौं दीक्षान्त सम्पन्न गरेको हो ।
कार्यक्रममा प्रमुख अतिथि अभिभावक संघ रुपन्देहीका अध्यक्ष लोकनाथ ज्ञवालीले पाठशालाको योगदान र शिक्षाको क्षेत्रमा गरेको प्रगतिलाई सराहना गर्दै पाठशालालाई भविष्यमा पनि सफलताको शुभकामना व्यक्त गरे ।
कार्यक्रममा विशिष्ठ अतिथि काठमाडौं मन्टेश्वरीका राम देवकोटा, पाठशालाका अध्यक्ष कृष्णप्रसाद नेपाल, पाठशालाका प्रधानाध्यापक दिपेन्द्र नेपाल लगायतले बोल्दै व्यवहारिक र असल शिक्षामा जोड दिए ।
वार्षिकोत्सवको अवसरमा बालबालिकाहरुले विभिन्न प्रतिभाहरु प्रस्तुत गरेका थिए ।
कार्यक्रममा पाठशालामा विभिन्न समयमा गरिएको खेलकुद, साँस्कृतिक कार्यक्रम सहित अतिरिक्त क्रियाकलापमा सफल भएका बालबालिकालाई पुरस्कार र प्रमाणनपत्र वितरण गरिएको पाठशालाका प्रबन्ध निर्देशक महेन्द्र नेपालले बताए ।
पाठशालामा दिवा आवासीय सुबिधासहित प्ले ग्रुप, नर्सरी, एलकेजी र यूकेजी सम्मको अध्यापन भैरहेको नेपालले बताए ।
शिक्षालाई गुणस्तरीय र व्यवहारिक बनाउनका लागि हरेक शैक्षिकसत्रमा ५० जनाभन्दा विद्यार्थी संख्या नबढाइने विद्यालयले जनाएको छ ।
कार्यक्रमको संचालन पाठशालाका प्रबन्ध निर्देशक महेन्द्र नेपालले गरेका थिए ।
प्रतिक्रिया