बुटवल । रुपन्देहीमा शुरु भएको प्रिती प्रथम उपमेयर कप नकआउट फुटबल प्रतियोगिता-२०८१ मा आयोजक बिस पचहत्तर युवा क्लबले विजयी शुरुवात गरेको छ । शनिबार भएको उद्घाटन खेलमा आयोजक टिमले नवलपरासी जिल्लालाई ५-० गोल अन्तरले पराजित गर्दै अन्तिम चारमा स्थान बनाएको हो ।
बिस पचहत्तर युवा परिवारको आयोजना, एशियन थाई फुट प्रालिको (प्रिती) मुख्य प्रायोजक, बुटवल उपहानगरपालिकाको संरक्षकत्वमा बिस पचहत्तर युवा क्लबको आयोजनामा सिद्घेश्वर खेल मैदानमा शनिबार भएको उद्घाटन खेलमा आयोजकको टिमका ऐशर्या बमरेले २२ मिनेटमा गोल गर्दै टिमलाई अग्रता दिलाए ।
खेलको ३० मिनेटमा मिना देउवाले अन्तरलाई दोब्बर गरिन । पहिलो हाफ २ गोलले अग्रता लिएको आयोजक दोस्रो हाफमा थप आक्रमक खेल्यो । खेलको दोस्रो हाफमा थप ३ गोल थप्न सफल भयो । मिना देउवाले ब्यक्तिगत दोस्रो गोल गरिन । यसैगरि रुपा बुढाथोकी, प्याउली रायले थप गोल गरे । खेलमा आयोजक बिस पचहत्तर युवा क्लबका मिना देउवा प्लेयर अफ दी म्याचबाट पुरस्कृत भईन ।
एक समारोहका बिच बुटवल उपमहानगरपालिकाका उपप्रमुख सावित्रादेवि अर्याल, अखिल नेपाल फुटबल क्लबका केन्द्रिय उपाध्यक्ष दिर्घ बहादुर केसी (कुमार), रुपन्देही जिल्लाका अध्यक्ष लोक पुन, नगर खेलकुद विकास समिति बुटवलका संयोजक बोनिन पियाले रेफ्रीलाई बल हस्तान्तरण गरेर प्रतियोगिताको उद्घाटन गरे ।
कार्यक्रममा बुटवल उपमहानगरपालिकाका उपप्रमुख सावित्रादेवि अर्यालले खेलकुदको हबका रुपमा बुटवलको पहिचान बन्दै गएको दाबी गरिन । खेलमार्फत पर्यटनको सम्भावनालाई मध्येनजर गरि यहा खेलकुद गतिविधि र खेलाडी उत्पादनको अभियानलाई जोड दिएको बताईन । ‘पुस महिनाबाट दैनिकजसो खेल प्रतियोगिता भैरहेको छ ।’-उनले भनिन । कार्यक्रममा परिवारका सचिव दिपक गुरुङले सबैको सहयोगमा बुटवलमा महिला फुटबलको विकास र प्लेटफर्म दिने गरि पहिलोपटक प्रतियोगिता गरिएको बताए ।
यसैबिच नेपालका पुर्व अन्तराष्ट्रिय फुटबल खेलाडीहरु मोतिकला गुरुङ, लिला रानालाई कार्यक्रममा सम्मान गरिएको थियो । आयोजक बिस पचहत्तर युवा परिवारका अध्यक्ष सुरेन्द्र थापाले प्रतियोगिताको उपाधि विजेता टिमले नगद १ लाख रुपैया, कप, मेडल, प्रमाणपत्र तथा उपविजेता टिमलाई नगद ५० हजार रुपैया, कप, मेडल, प्रमाणपत्रबाट पुरस्कृत गरिने बताए । यसैगरि विधागत रुपमा समेत उत्कृष्ट खेलाडीहरुलाई पुरस्कृत गरिने उनले बताए । आईतबार बिधान ट्रिनेटी युवा क्लब, वालिङ र बिरगंज युथ क्लबका बिचमा खेल हुने संयोजक बुद्घि बहादुर दर्जीले बताए । चैत ३० गतेसम्म संचालन हुने प्रतियोगितामा १५ लाख खर्च हुने अनुमान आयोजकको रहेको छ ।
प्रतिक्रिया