नेपालगन्ज । ‘नरेन लिम्बु एंड दी जेन्टलमेन’ ब्याण्डले नेपालगन्जमा पहिलो पटक आफ्नो प्रस्तुती दिने भएको छ । नयाँ वर्षको अवसरमा सोल्टी वेस्टण्ड प्रिमियर नेपालगन्जले आयोजना गर्न लागेको ‘न्यु एयर इभ–२०८२’ का अवसरमा चर्चित आस्था ब्याण्डका गायक ‘नरेन लिम्बु एंड दी जेन्टलमेन’ ब्याण्डले प्रस्तुती दिने भएको हो ।
चैत्र ३१ गते साँझ हुने कार्यक्रमको लाइन अपमा दाङको ‘संघर्ष ब्यान्ड’,ओपनिङ एक्टमा ‘दी फिरन्ते ब्यान्ड’, मेन एक्टमा ‘नरेन लिम्बु एंड दी जेन्टलमेन’ ब्यान्ड र अन्त्यतिर ‘डिजे अनोनीमस्’ले नेपालगन्जका दर्शकलाई मनोरञ्जन गराउने आयोजक सोल्टी वेस्टण्ड प्रिमियर नेपालगन्जले आज पत्रकार सम्मेलन गरेर जानकारी दिएको हो ।
बेलुका ६ बजेबाट सुरु भएर मध्यरात १२ बजेसम्म चल्ने कार्यक्रममा सहभागि हुनको लागि अर्ली बर्ड सिङगल टिकटको मुल्य १ हजार पाँच सय तथा डोर सेल टिकट मूल्य दुई हजार राखिएको सोल्टी वेस्टण्ड प्रिमियर नेपालगन्जका जनरल म्यानेजर राज विक्रम शाहले बताए । टिकट लिएका ग्राहकले एउटा क्यान बियर अथवा एपल साइडर वा रेड बुल वा सफ्ट ड्रिङग्स प्राप्त गर्ने उनले बताए । उनका अनुसार १० वर्ष भन्दा कम उमेरका बालबालिकाहरुको लागि प्रवेश निःशुल्क गरिएको छ ।
काठमाडौं र पोखरा बाहेकका शहरमा पनि ठुला इभेन्ट हुन सक्छ भन्ने सन्देश दिन कार्यक्रमको आयोजना गरिएको जनाउँदै शाहले कार्यक्रमबाट नेपालगन्जको पर्यटन क्षेत्रमा ब्राण्डीङ हुने अपेक्षा गरे । ५ सय टिकट बिक्री भइसकेको बताउँदै उनले कार्यक्रममा ७ सय बढी दर्शकहरुको सहभागिता रहने अनुमान गरिएको बताए । उनले सबै उमेर समुह र महिला पुरुषलाई पूर्ण मनोरञ्जन दिने फरक बिधाका ३ वटा ब्याण्डको प्रस्तुती राखिएको बताए । शोल्टीमा सबैको पहुँच पुगोस भनेर विगत १ वर्षदेखि समान मूल्यमा सेवा उपलब्ध गराउँदै आएको शाहले बताए । होटलमा नयाँ वर्षमा कोठा बुक गर्ने ग्राहकलाई कार्यक्रमको टिकट अफर राखिएको पनि उनले बताए ।
प्रतिक्रिया