काठमाडौं । नेपाली कांग्रेसका नेता शशांक कोइरालाको महाराजगञ्जस्थित निवासमा नेताहरुबीच चियापान जमघट भएको छ ।
सो चियापान जमघटमा सभापति शेरबहादुर देउवानिकट पूर्वपदाधिकारीहरूको अर्थपूर्ण उपस्थिति रहेको छ । उनीहरुबीच चियापानसँगै अलग्गै छलफल पनि भएको छ ।
पूर्वमहामन्त्री कोइरालाको निम्तोमा पूर्वउपसभापतिहरू विमलेन्द्र निधि, विजयकुमार गच्छदार, पूर्वमहामन्त्री कृष्णप्रसाद सिटौला र प्रवक्ता प्रकाशशरण महत चियापानमा पुगेका छन् । यसैगरी उर्जामन्त्री दीपक खड्का, केन्द्रीय सदस्यहरू एनपी साउद, दिलेन्द्रप्रसाद बडू, पुष्पा भुसाल, गुरू बराल, नैनसिंह महर, शिव हुमागाईं, अम्बिका बस्नेत, राजीब ढुंगाना, उर्मिला थपलियालगायत पनि पुगेका छन्।
प्रतिक्रिया