काठमाडौँ । नेपाल शिक्षक महासंघ र सरकारबीच भएको९ बुँदे सहमति सार्वजनिक भएको छ । शिक्षामन्त्री रघुजी पन्त र शिक्षक महासंघबिच भएको सहमति मन्त्रिपरिषदले स्वीकृत गरेसँगै सहमति सार्वजनिक गरिएको हो ।
सहमति भएका विषयहरू मन्त्रिपरिषदबाट पारित भएकाले आजैबाट निर्णयहरू कार्यान्वयनमा आएको सरकार र शिक्षक महासंघले जनाएको छ ।
प्रधानमन्त्रीबाट सहमति लिन नसकेका कारण राजीनामा दिएकी निवर्तमान शिक्षमन्त्री बिद्या भट्टराईले नै प्रस्ताव गरेको सात बुँदाको जगमा टेकेर शिक्षा मन्त्रालयले सहमति गरेको शिक्षामन्त्री रघुजी पन्तले स्वकिार गरेका छन् । पत्रकार सम्मेलनमा मन्त्री पन्थले सात बुँदेका लागि निर्तमान शिक्षामन्त्री विद्या भट्टराईलाई धन्यवाद समेत दिएका छन् ।
यी हुन् ९ बुँदे सहमति
१) शिक्षकहरूको स्वास्थ्य उपचारका सम्बन्धमा काठमाडौँमा अवस्थित निजामती अस्पतालमा सम्पूर्ण शिक्षक तथा विद्यालय कर्मचारीलाई सहुलियत उपलब्ध गराउने व्यवस्था गर्ने ।
२) अस्थायी प्रकृतिका शिक्षक – राहत,अस्थायी, साबिक उमावि, सिकाई अनुदान, प्राविधिक धार, विशेष शिक्षा र बाल विकास सहजकर्ताको बिरामी बिदा सञ्चित हुने र सो बापतको रकम अवकाश भएका बखतमा एकमुष्ट प्राप्त गर्ने ।
३) प्रारम्भिक बाल विकास सहजकर्ता र विद्यालय कर्मचारीको पारिश्रमिकका सम्बन्धमा नेपाल सरकारबाट तोके बमोजिम व्यवस्था गर्ने ।
४) आगामी आर्थिक वर्ष २०८२/८३ बाट स्थायी शिक्षकमध्ये प्राथमिक तृतीय, प्राथमिक द्वितीय, निम्न माध्यमिक तृतीय र माध्यमिक प्रथम श्रेणीका शिक्षकहरूको लागि निजामती सरह ग्रेड सङ्ख्या र रकम कायम गर्ने ।
५) स्थायी तथा अस्थायी प्रकृतिका कोटा ९राहत, अस्थायी, करार साविक उमावि, प्राविधिक धार र विशेष शिक्षा० का सबै शिक्षकले प्रचलित कानुन बमोजिम दुर्गम भत्ता पाउने व्यवस्था गर्ने ।
६) सामुदायिक विद्यालयमा कार्यरत निजी स्रोतका शिक्षक तथा कर्मचारीहरूलाई सामाजिक सुरक्षा कोषमा आबद्ध गर्न नियमावलीमा व्यवस्था गर्ने ।
७) नेपाल सरकारको मर्यादाक्रम सूचीमा शिक्षकहरूलाई समावेश गर्ने ।
८) नेपाल शिक्षक महासङ्घको आन्दोलनका क्रममा घाइते भएका सम्पूर्ण शिक्षक, सुरक्षाकर्मी, कर्मचारी तथा पत्रकारहरूको सरकारी अस्पतालमा निःशुल्क उपचारको व्यवस्था गर्ने ।
९) निम्न माध्यमिक तह प्रथम श्रेणी का शिक्षकको तलब तथा ग्रेड माध्यमिक द्वितीय श्रेणीका शिक्षक सरह हुनेगरी कायम गर्ने ।
प्रतिक्रिया