नेपालगन्ज । नेपाल पत्रकार महासंघ, बाँकेले विश्व प्रेस स्वतन्त्रता दिवसको अवसरमा प्रभातफेरि सहित पत्रकारको नसर्ने रोगको स्वास्थ्य जाँच गरेको छ ।
सहिद सेतुविकचोकबाट सुरु गरिएको प्रभातफेरि बसपार्कस्थित महासंघको कार्यालय सञ्चारग्राम पुगेर पुगेर समापन भएको थियो । प्रभातफेरि लगत्तै महासंघको कार्यालयमा पत्रकारहरुको नसर्ने रोगको स्वास्थ्य परिक्षण गरिएको थियो ।
नेपालगन्ज उपमहानगरपालिकाको सहकार्य र शिखर हेल्थ केयर एण्ड डाइग्नोष्टिक सेन्टर नेपालगन्जको सहयोगमा पत्रकारहरुको नसर्ने रोगहरुमा पर्ने प्रेसर, सुगर र मृर्गौला जाँच गरिएको थियो ।
महासंघका अध्यक्ष नवीन गिरीको नेतृत्वमा सम्पन्न कार्यक्रममा पूर्वअध्यक्षहरु निरज गौतम, प्रेम केसी, झलक गैरे, रुद्र सुबेदीलगायतको उपस्थिति थियो ।
प्रतिक्रिया