काठमाडौं । सरकारले नेपाली नागरिकलाई विदेशमा लगानी गर्न दिनेभएको छ ।
आर्थिक वर्ष २०८२/८३को वार्षिक बजेट सार्वजनिक गर्दै अर्थमन्त्री विष्णु पौडेलले नेपाली निर्यातकलाई कुल निर्यातको २५ प्रतिशतसम्म विदेशमा लगानी गर्न दिइने जानकारी गराएका हुन् । हालसम्म नेपालीलाई विदेशमा लगानी गर्न प्रतिबन्ध छ ।
अर्थमन्त्रीले भने, ‘नेपालबाट विदेशमा विक्री वा अर्धप्रशोधित सामग्री निर्यात गरी प्रशोधन कारखाना निर्माण गर्न अनुमति दिइनेछ । यसका लागि निर्यातबाट हुने २५ प्रतिशतसम्म विदेशमा लगानी गर्न पाउने व्यवस्था गरिने छ ।’
अर्थमन्त्री पौडेलले विदेशमा गरेको लगानीबाट आर्जन हुने मुनाफाको ५० प्रतिशत देशभित्र फिर्ता गर्नुपर्ने व्यवस्था गरिने जनाए । विदेशमा गरिने लगानी स्वीकृति लगानी बोर्डले गर्नेछ ।
नेपालका उद्योगी व्यवसायीहरुले लामोसमयदेखि विदेशमा लगानी गर्न पाउनुपर्ने माग राख्दै आएका थिए ।
प्रतिक्रिया